Surah Al-Layl in Maranao: translation and audio

وَٱلَّيْلِ إِذَا يَغْشَىٰ

Transliteration wa-al-layli idhā yaghshā

Maranao Ibt ko gagawii igira a pkhikolob (so kalibotng iyan),

وَٱلنَّهَارِ إِذَا تَجَلَّىٰ

Transliteration wal-nahāri idhā tajallā

Maranao Go so dawndaw igira a lominiwanag,

وَمَا خَلَقَ ٱلذَّكَرَ وَٱلْأُنثَىٰٓ

Transliteration wamā khalaqa l-dhakara wal-unthā

Maranao Go so miyadn ko mama, go so babay,

إِنَّ سَعْيَكُمْ لَشَتَّىٰ

Transliteration inna saʿyakum lashattā

Maranao Ka mataan! a so galbk iyo na sabnar a mbidabida.

فَأَمَّا مَنْ أَعْطَىٰ وَٱتَّقَىٰ

Transliteration fa-ammā man aʿṭā wa-ittaqā

Maranao Na so pman so taw a miyammgay ago miyananggila,

وَصَدَّقَ بِٱلْحُسْنَىٰ

Transliteration waṣaddaqa bil-ḥus'nā

Maranao Go tiyanto niyan so mapiya,

فَسَنُيَسِّرُهُۥ لِلْيُسْرَىٰ

Transliteration fasanuyassiruhu lil'yus'rā

Maranao Na plbodn Ami ron a (kaparoliya niyan ko) malbod,

وَأَمَّا مَنۢ بَخِلَ وَٱسْتَغْنَىٰ

Transliteration wa-ammā man bakhila wa-is'taghnā

Maranao Na so pman so taw a miligt go mitharambisa,

وَكَذَّبَ بِٱلْحُسْنَىٰ

Transliteration wakadhaba bil-ḥus'nā

Maranao Go piyakambokhag iyan so mapiya;

فَسَنُيَسِّرُهُۥ لِلْعُسْرَىٰ

Transliteration fasanuyassiruhu lil'ʿus'rā

Maranao Na plbodn Ami ron a (kaakir iyan ko) margn.

وَمَا يُغْنِى عَنْهُ مَالُهُۥٓ إِذَا تَرَدَّىٰٓ

Transliteration wamā yugh'nī ʿanhu māluhu idhā taraddā

Maranao Go di ron phakanggay a gona so tamok iyan amay ka mawlog (ko naraka).

إِنَّ عَلَيْنَا لَلْهُدَىٰ

Transliteration inna ʿalaynā lalhudā

Maranao Mataan! a sii Rkami so titho a toroan,

وَإِنَّ لَنَا لَلْـَٔاخِرَةَ وَٱلْأُولَىٰ

Transliteration wa-inna lanā lalākhirata wal-ūlā

Maranao Go mataan! a Rkami so khawri, ago so paganay.

فَأَنذَرْتُكُمْ نَارًا تَلَظَّىٰ

Transliteration fa-andhartukum nāran talaẓẓā

Maranao Na piyakiiktiyaran Ko rkano so apoy a pkhadg;

لَا يَصْلَىٰهَآ إِلَّا ٱلْأَشْقَى

Transliteration lā yaṣlāhā illā l-ashqā

Maranao Daa phakasold on a rowar ko marata i okor,

ٱلَّذِى كَذَّبَ وَتَوَلَّىٰ

Transliteration alladhī kadhaba watawallā

Maranao A so tomiyaplis go tomiyalikhod.

وَسَيُجَنَّبُهَا ٱلْأَتْقَى

Transliteration wasayujannabuhā l-atqā

Maranao Na phakawatan on so miyananggila (sa dosa).

ٱلَّذِى يُؤْتِى مَالَهُۥ يَتَزَكَّىٰ

Transliteration alladhī yu'tī mālahu yatazakkā

Maranao A so pphammgay ko tamok iyan, ka an masoti;

وَمَا لِأَحَدٍ عِندَهُۥ مِن نِّعْمَةٍ تُجْزَىٰٓ

Transliteration wamā li-aḥadin ʿindahu min niʿ'matin tuj'zā

Maranao Go kna a ba adn a rk o isa a taw a zisii rkaniyan a limo a mbalasan,

إِلَّا ٱبْتِغَآءَ وَجْهِ رَبِّهِ ٱلْأَعْلَىٰ

Transliteration illā ib'tighāa wajhi rabbihi l-aʿlā

Maranao Ogaid na singanin ko kasosoat o Kadnan iyan a Maporo;

وَلَسَوْفَ يَرْضَىٰ

Transliteration walasawfa yarḍā

Maranao Na matatangkd a khasoat dn.