Surah An-Naba in Maranao: translation and audio

عَمَّ يَتَسَآءَلُونَ

Transliteration ʿamma yatasāalūna

Maranao Antonaa so gi iran pamagizai yan?

عَنِ ٱلنَّبَإِ ٱلْعَظِيمِ

Transliteration ʿani l-naba-i l-ʿaẓīmi

Maranao A tothol a mala,

ٱلَّذِى هُمْ فِيهِ مُخْتَلِفُونَ

Transliteration alladhī hum fīhi mukh'talifūna

Maranao A so siran na di siran on phagayonayon?

كَلَّا سَيَعْلَمُونَ

Transliteration kallā sayaʿlamūna

Maranao Na gnki ran, ka khatokawan iran bo!

ثُمَّ كَلَّا سَيَعْلَمُونَ

Transliteration thumma kallā sayaʿlamūna

Maranao Oriyan iyan, na sabnar a katokawan iran bo!

أَلَمْ نَجْعَلِ ٱلْأَرْضَ مِهَـٰدًا

Transliteration alam najʿali l-arḍa mihādan

Maranao Ba Ami da baloya so lopa a miyadmpas?

وَٱلْجِبَالَ أَوْتَادًا

Transliteration wal-jibāla awtādan

Maranao Go so manga palaw a manga pask?

وَخَلَقْنَـٰكُمْ أَزْوَٰجًا

Transliteration wakhalaqnākum azwājan

Maranao Go inadn Ami skano a nggaganapa,

وَجَعَلْنَا نَوْمَكُمْ سُبَاتًا

Transliteration wajaʿalnā nawmakum subātan

Maranao Go biyaloy Ami so torog iyo a kadkha,

وَجَعَلْنَا ٱلَّيْلَ لِبَاسًا

Transliteration wajaʿalnā al-layla libāsan

Maranao Go biyaloy Ami so gagawii a nditarn,

وَجَعَلْنَا ٱلنَّهَارَ مَعَاشًا

Transliteration wajaʿalnā l-nahāra maʿāshan

Maranao Go biyaloy Ami so dawndaw a ipphaningkawyagn;.

وَبَنَيْنَا فَوْقَكُمْ سَبْعًا شِدَادًا

Transliteration wabanaynā fawqakum sabʿan shidādan

Maranao Go pimbalayan Ami so kaporoan iyo sa pito a manga babagr (a manga langit),

وَجَعَلْنَا سِرَاجًا وَهَّاجًا

Transliteration wajaʿalnā sirājan wahhājan

Maranao Go miyadn Kami sa palitaan a masindaw (a alongan),

وَأَنزَلْنَا مِنَ ٱلْمُعْصِرَٰتِ مَآءً ثَجَّاجًا

Transliteration wa-anzalnā mina l-muʿ'ṣirāti māan thajjājan

Maranao Go piyakatoron Ami a phoon ko manga gabon so ig a madakl,

لِّنُخْرِجَ بِهِۦ حَبًّا وَنَبَاتًا

Transliteration linukh'rija bihi ḥabban wanabātan

Maranao Ka an Ami mapakagmaw sa sabap rkaniyan so prpran ago mangngto,

وَجَنَّـٰتٍ أَلْفَافًا

Transliteration wajannātin alfāfan

Maranao A go manga pamomolan a milapilapis.

إِنَّ يَوْمَ ٱلْفَصْلِ كَانَ مِيقَـٰتًا

Transliteration inna yawma l-faṣli kāna mīqātan

Maranao Mataan! a so alongan a kokoman na miyabaloy a wakto a kapthatalabokan,

يَوْمَ يُنفَخُ فِى ٱلصُّورِ فَتَأْتُونَ أَفْوَاجًا

Transliteration yawma yunfakhu fī l-ṣūri fatatūna afwājan

Maranao Sii ko alongan a kaiyopa ko sanggakala, na makatalingoma kano a pizagorompong,

وَفُتِحَتِ ٱلسَّمَآءُ فَكَانَتْ أَبْوَٰبًا

Transliteration wafutiḥati l-samāu fakānat abwāban

Maranao Go kalkaan so langit na mabaloy a manga paytaw,

وَسُيِّرَتِ ٱلْجِبَالُ فَكَانَتْ سَرَابًا

Transliteration wasuyyirati l-jibālu fakānat sarāban

Maranao Go mikayontong so manga palaw na mabaloy a lopapk.

إِنَّ جَهَنَّمَ كَانَتْ مِرْصَادًا

Transliteration inna jahannama kānat mir'ṣādan

Maranao Mataan! a so naraka Jahannam na aya btad iyan na mibbkn a ayan,

لِّلطَّـٰغِينَ مَـَٔابًا

Transliteration lilṭṭāghīna maāban

Maranao A khandodan o miyamangakowala,

لَّـٰبِثِينَ فِيهَآ أَحْقَابًا

Transliteration lābithīna fīhā aḥqāban

Maranao Matatap siran on sa tanitiyasa;

لَّا يَذُوقُونَ فِيهَا بَرْدًا وَلَا شَرَابًا

Transliteration lā yadhūqūna fīhā bardan walā sharāban

Maranao Daa khataam iran on a pakadnggaw, go da a khaynom on,

إِلَّا حَمِيمًا وَغَسَّاقًا

Transliteration illā ḥamīman waghassāqan

Maranao A rowar ko phlikabo a ig go dana,

جَزَآءً وِفَاقًا

Transliteration jazāan wifāqan

Maranao Balas a pindait (ko galbk iran a marata).

إِنَّهُمْ كَانُوا۟ لَا يَرْجُونَ حِسَابًا

Transliteration innahum kānū lā yarjūna ḥisāban

Maranao Mataan! a siran na aya btad iran na di iran ikhalk so itongan,

وَكَذَّبُوا۟ بِـَٔايَـٰتِنَا كِذَّابًا

Transliteration wakadhabū biāyātinā kidhāban

Maranao Go piyakambokhag iran so manga ayat Ami sa tanto a kapakambokhag.

وَكُلَّ شَىْءٍ أَحْصَيْنَـٰهُ كِتَـٰبًا

Transliteration wakulla shayin aḥṣaynāhu kitāban

Maranao Na langowan taman na inisorat Ami skaniyan ko daptar;

فَذُوقُوا۟ فَلَن نَّزِيدَكُمْ إِلَّا عَذَابًا

Transliteration fadhūqū falan nazīdakum illā ʿadhāban

Maranao "Na taami niyo, ka da dn a ipagoman Ami rkano a rowar ko siksa."

إِنَّ لِلْمُتَّقِينَ مَفَازًا

Transliteration inna lil'muttaqīna mafāzan

Maranao Mataan! a adn a bagian o miyamananggila a darpa a kapakadaya,

حَدَآئِقَ وَأَعْنَـٰبًا

Transliteration ḥadāiqa wa-aʿnāban

Maranao A manga pamomolan, ago manga anggor,

وَكَوَاعِبَ أَتْرَابًا

Transliteration wakawāʿiba atrāban

Maranao Go manga raga a mrzarza,

وَكَأْسًا دِهَاقًا

Transliteration wakasan dihāqan

Maranao Go tagoay sa inomn a tthbira.

لَّا يَسْمَعُونَ فِيهَا لَغْوًا وَلَا كِذَّٰبًا

Transliteration lā yasmaʿūna fīhā laghwan walā kidhāban

Maranao Daa khan´g iran on a ilang go da a kabokhag;

جَزَآءً مِّن رَّبِّكَ عَطَآءً حِسَابًا

Transliteration jazāan min rabbika ʿaṭāan ḥisāban

Maranao Balas a phoon ko Kadnan ka, a pammgayan a tarotop, -

رَّبِّ ٱلسَّمَـٰوَٰتِ وَٱلْأَرْضِ وَمَا بَيْنَهُمَا ٱلرَّحْمَـٰنِ ۖ لَا يَمْلِكُونَ مِنْهُ خِطَابًا

Transliteration rabbi l-samāwāti wal-arḍi wamā baynahumā l-raḥmāni lā yamlikūna min'hu khiṭāban

Maranao Kadnan o manga langit, ago so lopa, ago so nganin a pagltan a dowa nan, a Masalinggagaw; da a phakagaga kiran on mbitiyarai.

يَوْمَ يَقُومُ ٱلرُّوحُ وَٱلْمَلَـٰٓئِكَةُ صَفًّا ۖ لَّا يَتَكَلَّمُونَ إِلَّا مَنْ أَذِنَ لَهُ ٱلرَّحْمَـٰنُ وَقَالَ صَوَابًا

Transliteration yawma yaqūmu l-rūḥu wal-malāikatu ṣaffan lā yatakallamūna illā man adhina lahu l-raḥmānu waqāla ṣawāban

Maranao Sii ko alongan a tomindg so Roh ago so manga malaikat a zasaasaap, da a makaptharo kiran, a rowar sa idinan (o Allah a) Masalinggagaw, ago ptharo sa ontol.

ذَٰلِكَ ٱلْيَوْمُ ٱلْحَقُّ ۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Transliteration dhālika l-yawmu l-ḥaqu faman shāa ittakhadha ilā rabbihi maāban

Maranao Giyoto man so alongan a bnar; na sadn sa khabaya na mbaal sa darpa a khandodan sii ko Kadnan iyan.

إِنَّآ أَنذَرْنَـٰكُمْ عَذَابًا قَرِيبًا يَوْمَ يَنظُرُ ٱلْمَرْءُ مَا قَدَّمَتْ يَدَاهُ وَيَقُولُ ٱلْكَافِرُ يَـٰلَيْتَنِى كُنتُ تُرَٰبًۢا

Transliteration innā andharnākum ʿadhāban qarīban yawma yanẓuru l-maru mā qaddamat yadāhu wayaqūlu l-kāfiru yālaytanī kuntu turāban

Maranao Mataan! a Skami na piyakiiktiyaran Ami rkano so siksa a marani, sii ko alongan a kasandngan o taw so miyanggalbk o mbala a lima niyan, na matharo o miyongkir: "Hay oba ako bo mimbaloy a botha."